Deuddeg o hanesion llawn ysbrydoliaeth am newid dan arweiniad cymunedau –twnnel gwynt o obaith ac un o uchafbwyntiau Uwchgynhadledd y llynedd. Roedd pawb wedi mwynhau cymaint, rydym yn rhoi ail gynnig arno. Daliwch yn dynn.

Syniad grymus sy’n lledu’n gyflym ledled y byd, ond sut mae’n gweithio ar lefel leol? Ymunwch â Rob Shorter, Doughnut Economics Action Lab ac actifyddion ar draws y DU ar gyfer straeon cymunedau sy’n ei ddefnyddio i ddatgloi ffordd newydd o feddwl ac i greu newid ymarferol.

Ymunwch â Rhiannon a Chris o dîm cyfathrebu Trawsnewid gyda’n Gilydd ar gyfer sesiwn rhannu sgiliau ymarferol i roi hwb i bresenoldeb eich grŵp ar gyfryngau cymdeithasol. Byddant yn rhannu cyngor defnyddiol ac yn ystyried sut i ddweud straeon anorchfygol a diddorol i ddenu pobl atoch.

Mae hybiau hinsawdd dan arweiniad y gymuned yn ymddangos ar draws y DU, ac yn ganolbwynt ar gyfer gweithredu a mentrau i fynd i’r afael â newid yn yr hinsawdd ac i feithrin gwydnwch lleol. Bydd Ben McCallan, Zero Carbon Guildford yn rhannu hanes agor eu gofod prysur nhw mewn hen siop ddillad ar y stryd fawr.

Pe seilir actifiaeth mewn dealltwriaeth a mynd i’r afael â’r trawma dwfn a hepgorwyd ar gyfer unigolion, cymunedau a gwledydd, sut olwg fyddai arno? Beth petai hynny wrth ei galon? Bydd  Susan Raffo a Staci K Haines yn rhannu eu dealltwriaeth nhw (heb ei hail) o drawma a sut i weithio gydag ef.

Cyfle i glywed syniadau unigolion ac ymarferwyr hynod ar sut gall ein mudiadau adlewyrchu amrywiaeth go iawn ein cymunedau. Bydd y sesiwn yn rhoi arfau a dulliau meddwl ichi wneud newidiadau arwyddocaol i’ch ffordd o weithio. Gyda Syd Yang, Amina Aweis, Gurpreet Singh a Sherri Mitchell – Weh’na Ha’mu Kwasset.

Bydd Beth Foster Ogg, sy’n hen law ym maes trefnu gweithgareddau cymunedol a Rhiannon Colvin, o gynllun Trawsnewid Gyda’n Gilydd  yn arwain gweithdy diwrnod o hyd ar ddenu pobl newydd i’ch grŵp Trawsnewid, i sicrhau ei fod yn ehangu ac yn cynnal ei hun yn hirdymor. Bydd gofyn i ddau neu fwy o’ch grŵp fynychu’r sesiwn llawn. Llefydd cyfyngedig ar gael; gallwch archebu’n fuan.

Gwyddom nad yw gweithredu dan arweiniad y gymuned yn rhwydd.  Mae llawer o heriau ynghlwm wrtho, ac mae’n anodd gwybod ble i droi am gyngor.  Hwyrach y bydd Modryb Ofidiau Trawsnewid yn gallu helpu.  Dewch â’ch cwestiynau a bydd ein Modryb yn rhannu profiadau ac yn ceisio helpu.

Bydd y gweithdy diddorol hwn yng ngofal Sophy Banks yn gyfle iddi rannu ei model ar gyfer ‘Diwylliant Dynol Iach’, gyda chyfoeth o syniadau ar y problemau sydd wrth wraidd heriau ein hoes a 5 o ffyrdd medrus a charedig i ddelio gyda nhw.

Mae llyfr newydd Jon Alexander, ‘Citizens’ yn cael effaith fawr ar y byd, ac yn dadlau dros newid diwylliannol o ystyried ein hunain fel defnyddwyr, ac yn hytrach gweld ein hunain fel dinasyddion. Yn y sesiwn hwn, bydd Jon yn sgwrsio gyda Yumna Hussen, sy’n rhan o’r tîm Gallwn Gyda’n Gilydd.

Cyfle i ddysgu gan feistr atgyweiriwr gweladwy. Dewch â siwmper sydd â thyllau ynddi ac edau a bydd Flora yn eich tywys trwy’r broses gyfan.  Sesiwn myfyriol, hamddenol, a byddwch yn dysgu sgil yr oeddech yn bwriadu ei ddysgu ers oes!

Beth petai pobl ifanc yn rhedeg y byd?  Beth petai pawb yn teimlo’n ddiogel, yn hyderus ac yn barod i greu newid? Mae hwn yn drafodaeth bwysig beth bynnag fo’ch oedran.  Pobl ifanc yw’r presennol a’r dyfodol. Mae angen cynghreiriaid, felly dewch atom i ddysgu sut y gallwch wrando, cynnwys a chael eich arwain gan bobl ifanc yn eich cymuned chi ac mewn prosiectau. Gyda Yumna Hussen o dîm rhaglennu’r Uwchgynhadledd a ffrindiau.

Mae’r pandemig wedi peri i lawer ohonom ail-asesu gwerth mannau gwyllt ac agored. Wrth inni gefnu arno, sut gallwn wneud mwy o le ar gyfer natur ac ail-wylltio ein ffordd o ryngweithio â natur? Beth mae ail-wylltio’n ei olygu mewn llefydd gwahanol – ar strydoedd dinasoedd, ardaloedd gwledig neu mewn cymunedau lle mae perygl o lifogydd? Gyda George Monbiot, Jay Griffiths, Beth Colliers a Frag Last.

Mae datblygiad y ‘Datganiad Diwylliant’ a’r ‘Datganiad Cerdd’ yn cynrychioli’r byd creadigol sy’n camu i’r adwy o ran yr argyfwng yn yr hinsawdd. Beth maen nhw’n ei wneud, a pham mae’n hollbwysig o ran llywio’r degawd nesaf? Gyda Hannah Peel, Nigel Adams, Chloe Naldrett a Amina Atiq.

Ledled y byd, mae cymunedau’n sefyll i wrthsefyll arferion cloddiol, trais gan wledydd a hiliaeth systemig. Nid ydynt yn gofyn caniatâd, yn hytrach maent yn cymryd camau dewr i wrthsefyll hyn. Cewch glywed gan rai ohonynt heno.

Mae economi newydd yn cael ei chreu, un a seilir mewn lle, cyfiawnder cymdeithasol a thegwch – cewch gwrdd â’r arloeswyr sydd wedi torchi eu llewys. Cyfle i wrando ar ymarferwyr blaenllaw sy’n gweithio gyda chymunedau ymylol i greu cyfleoedd newydd a modelau cyfranogi newydd. Gyda Mike Riddell (Operation Black Vote), Alex Phillips (UnLtd) a eraill.

Mae economi newydd yn cael ei chreu, un a seilir mewn lle, cyfiawnder cymdeithasol a thegwch – cewch gwrdd â’r arloeswyr sydd wedi torchi eu llewys. Cyfle i wrando ar ymarferwyr blaenllaw sy’n gweithio gyda chymunedau ymylol i greu cyfleoedd newydd a modelau cyfranogi newydd.

Gwyddom nad yw gweithredu dan arweiniad y gymuned yn rhwydd.  Mae llawer o heriau ynghlwm wrtho, ac mae’n anodd gwybod ble i droi am gyngor.  Hwyrach y bydd Modryb Ofidiau Trawsnewid yn gallu helpu.  Dewch â’ch cwestiynau a bydd ein Modryb yn rhannu profiadau ac yn ceisio helpu.

Sut gallwn ofyn cwestiynau mewn ffordd greadigol sy’n arwain at drafodaeth a deialog arwyddocaol? Mae’r ‘Art of Invitation’ yn ystyried ffyrdd creadigol o ymgysylltu cymunedau â heriau ecolegol, diwylliannol a chymdeithasol ein hoes. Ymunwch â’r Artist, Actifydd a Hwylusydd anhygoel Ruth Ben-Tovim, ar gyfer y gweithdy ymarferol hwn sy’n cynnig arfau newid creadigol newydd ichi a’ch grwpiau. Mae llefydd cyfyngedig ar gael – cofiwch gadw lle drwy’r botwm isod.

Yng nghysgod cyfryngau prif ffrwd sy’n ein carfanu ac ein yn dirymu, mae llawer o bobl yn ceisio dweud stori newydd am botensial cymdeithasol a newid byd-eang. Sut gallwn weithio’n effeithiol gyda’n gilydd i gynnig dewis amgen gwirioneddol? Ymunwch ag Indra Adnan, sylfaenydd The Alternative Global i ystyried y pwnc.

Cyfle i rannu cinio a myfyrio ar ein cysylltiadau â bwyd.

Os ydych yn dyheu am dyfu eich tomatos, courgettes neu fefus eich hun, ond o’r farn nad oedd gennych y lle, mae angen treulio amser yng nghwmni Mark Risdill-Smith, awdur The Vertical Veg Guide to Container Gardening.

Pryd yw’r amser iawn i addysgu, pryd dylen ni alluogi, a sut gallwn rymuso pobl orau? Yn y gweithdy hwn, sydd â thair rhan, bydd digon o gyfle i ystyried pob agwedd yng nghwmni John a Peter Bird, sylfaenwyr Big Issue, Rakesh Aji, Monica Cru-Hall a mwy. Gallwch ystyried sut i sicrhau cydbwysedd rhwng y dulliau gwaith hyn er mwyn creu hafan o newid cadarnhaol.

Mae argyfwng tai yn effeithio ar bobl ledled y wlad wrth i’r ‘farchnad’ fethu cymunedau dro ar ôl tro.  Mae prisiau’n codi, a digartrefedd yn cynyddu. Ond beth petai cymunedau’n troi’n ddatblygwyr eu hunain? Mae’n digwydd eisoes. Cyfle i glywed gan ymarferwyr blaenllaw megis Immy Kaur (Civic Square), Claude Henrickson (Leeds Community Homes) a Frances Northrop (Atmos Totnes) ac ystyried sut y gall eich cymuned gychwyn cynllun tebyg.

Gwyddom nad yw gweithredu dan arweiniad y gymuned yn rhwydd.  Mae llawer o heriau ynghlwm wrtho, ac mae’n anodd gwybod ble i droi am gyngor.  Hwyrach y bydd Modryb Ofidiau Trawsnewid yn gallu helpu.  Dewch â’ch cwestiynau a bydd ein Modryb yn rhannu profiadau ac yn ceisio helpu.

Yn ystyried cychwyn eich Grŵp Trawsnewid eich hun? Neu efallai eich bod ar gychwyn eich taith Drawsnewid? Ymunwch â Rhiannon Colvin, Trawsnewid gyda’n Gilydd, ac aelodau grwpiau Trawsnewid profiadol i ddysgu sgiliau, cyngor a thechnegau defnyddiol i’ch rhoi ar y trywydd iawn.

Gall rhoi cynnig ar bethau newydd olygu cymryd risg a all olygu nad ydych yn teimlo’n gyfforddus. Ymunwch â Monica Cru-Hall o dîm yr uwchgynhadledd a gwesteion mewn gofod lle gallwch gynnal trafodaethau dargyfeiriol ac ymarfer sgyrsiau dewr.

Cyfle i rannu cinio a myfyrio ar ein cysylltiadau â bwyd.

Mae sut gallwn fod yn dda’n berthnasol i amlygu lleisiau nas clywir yn aml, neu sy’n cael eu hepgor? Mae amrywiaeth a safbwyntiau gwahanol o fudd i bawb o ran ehangu a chyfoethogi’r gallu i greu newid mewn cymunedau. Gellir dysgu sut i arfer cynghreiriaeth a herio difaterwch er mwyn gwneud gwahaniaeth gwirioneddol.

Yn y gweithdy rhyngweithiol a chyfranogol hwn, cewch glywed straeon ysbrydol rhwydweithiau sy’n gweithredu ym maes yr hinsawdd dan arweiniad eu cymunedau, manteisio ar a rhoi cefnogaeth i’ch gilydd a meithrin sgiliau mewn meysydd allweddol i fagu rhwydweithiau gwell.

Sut gallwn alluogi pobl i fodloni anghenion sylfaenol trwy fusnesau ac economi lleol cynaliadwy a llewyrchus? Ymunwch â Rhiannon Colvin a siaradwyr ar ran cydweithfeydd, busnesau cymunedol a phrosiectau meithrin cyfoeth cymunedol ar gyfer sesiwn ymarferol o ran sut i ddechrau trawsnewid eich economi leol.

Er mwyn gwneud popeth sy’n angenrheidiol dros y degawd nesaf, mae angen inni wella’n sylweddol wrth ddweud straeon, cyfleu realiti’r hyn sydd o’n blaenau os na weithredwn, ond hefyd y byd y gallwn ei greu o hyd. Sut i fod yn storïwyr anhygoel? Bydd y sesiwn hwn yn clywed gan ran o’r storïwyr gorau rydym yn gwybod amdanynt. Gyda Belina Raffy, Manda Scott a Inua Ellams.