Cyllid Sbarduno
Mae’r rhaglen cyllid sbarduno’n cynnig grantiau i helpu grwpiau Trawsnewid feithrin capasiti, cynyddu eu heffaith yn y gymuned leol a gwneud rhywbeth na fyddai’n bosibl fel arall efallai.
Mae’r grantiau ar gael i’ch galluogi i weithio gyda’ch cymuned i ail-ddychmygu ac ail-adeiladu dyfodol mwy cyfiawn o safbwynt cymdeithasol, tecach, mwy gwydn a chynaliadwy o safbwynt amgylcheddol.
Rydym yn ddiolchgar i bobl sy’n chwarae’r Loteri Genedlaethol a Chronfa Gymunedol y Loteri Genedlaethol am y cyllid inni allu darparu’r grantiau hyn.
Meithrin dewisiadau amgen
Pa fath o brosiect fyddai’n cynnig posibiliadau yn eich ardal chi? Hwyrach y byddwch yn defnyddio’ch grant i lansio prosiect newydd megis canolfan argyfwng hinsawdd; i wella eich gardd gymunedol; i gicdanio trafodaeth leol ynghylch creu gweledigaeth neu ar gyfer digwyddiad anhygoel? Neu gall eich cynorthwyo i ddatblygu eich grŵp trwy gefnogi cydlynu neu gostau staff, eich helpu i feithrin cysylltiadau a rhwydweithiau, neu i weithio trwy gydgefnogaeth gyda chymunedau ymylol. Efallai eich bod yn awyddus i ystyried beth fyddai economi lleol cynaliadwy yn edrych, a gall grant helpu creu bywoliaethau newydd, cydweithfa neu gwmpasu menter gymdeithasol.
Rydym yn awyddus i glywed eich syniadau; felly hyd yn oed os nad ydynt mewn un o’r categorïau uchod, croeso ichi ymgeisio. Gallwch ddysgu mwy ynghylch sut y defnyddiwyd rownd ddiwethaf y cyllid sbarduno gan Grwpiau Trawsnewid yma.
Gall fod ar gyfer costau prosiect bach megis ffi hwylusydd, cyfrif zoom, offer neu deithio.
Gall fod i’ch cefnogi i ddatblygu prosiect, talu costau staff craidd neu feithrin partneriaethau a chynghreiriau.
I’ch cefnogi i weithio mewn partneriaeth gyda grwpiau Trawsnewid eraill i wireddu nod cyffredin. Gall fod ffocws rhanbarthol neu thematig i brosiectau.
Sut i wneud cais
Mae’r cyllid sbarduno yma ar gyfer grwpiau neu hybiau Trawsnewid yng Nghymru a Lloegr sy’n gofrestredig gyda’r Rhwydwaith Trawsnewid. I gofrestru ar wefan y Rhwydwaith Trawsnewid, dilynwch y ddolen hon.
Ceir mwy o wybodaeth am gymhwysedd a’r meini prawf i fod yn grŵp trawsnewid fan hyn.
Rydym wedi ceisio gwneud y broses o ymgeisio ar gyfer y grantiau hyn mor syml a rhwydd â phosibl, trwy ddefnyddio ffurflenni ar-lein byr, fideos a rhaglenni darllen sgrin. Gall grwpiau wneud mwy nag un cais, a gwneud cais am fwy nag un math o grant.
Cofiwch ddarllen y canllawiau Popeth y mae angen ei wybod cyn ymgeisio.
Dyddiad cau inni dderbyn ceisiadau: 11.59pm ar 31 Hydref 2022
Seed Funding News
Transition Wilmslow’s gardens grow and grow
16 Chwefror
7 minute read
“Hope with its sleeves rolled up” blooms in Wellington
12 Ebrill
7 minute read
Seed Funding goes live: From tiny seeds, Transition groups grow bountiful harvests
28 Gorffennaf
8 minute read